[Māori] Waste Management and Minimisation Plan (WMMP) 2024

Me tae mai ngā tono hei te 28 o Māehe 2024.

Ko tā tēnei Mahere Hukihuki mō te Whakahaeretanga me te Whakaitinga o te Para (WMMP) 2024 he whakatakoto i te ahu whakamua o Tāmaki Makaurau ki te whakahaere me te aukati i te para. He mea whai mōhio i ngā kōrero maha i kohia i te tau ka hori mai i te iwi/Māori me ngā kiripānga matua i roto i ngā whakawhiti kōrero tōmua. He mea ārahi e te matawhānui o te Para Kore i mua i te 2040 mō Tāmaki Makaurau i roto i ngā mahere o mua, engari kua whakahouhia ngā mātāpono me ngā whāinga hei ārahi i ngā whakatau take, ngā mahi me ngā heipūtanga mō ngā tau e ono e tū mai nei. Kua tāpiritia he mahere para mō Aotea, Waiheke, Kawau me Rākino, arā ngā motu o Hauraki, hei āpitihanga. Ka whakatau tēnei i ētahi o ngā wero me ngā arawātea ahurei o te para kei ēnei hapori noho motu.
Ināianei kei te hiahia mātou i ō whakaaro ki te āwhina i a mātou ki te whakaū i tēnei WMMP hukihuki i te 2024. E tino akiaki ana mātou i a koe ki te pānui i te mahere hukihuki e wātea ana ki akhaveyoursay.nz i mua i te whakautu i ēnei pātai. He tuhinga nui tēnei, nā reira he tohutoro kei te nuinga o ngā pātai.
Ngā mihi ki a koe mōu i āwhina ki te tiaki i te taiao, ngā tāngata me ngā rauemi o Tāmaki Makaurau, mā te whakaumu i te āhuatanga o te whakahaere me te whakaiti i te para.

Ngā mōhiohio matatapu hira

Ko ngā mōhiohio whaiaro ka tukua mai e koe ki tēnei puka ka puritia, ka tiakina hoki e Te Kaunihera o Tāmaki i runga anō i te kaupapahere matatapu me te Privacy Act 2020. E wātea ana tā mātou kaupapahere matatapu ki aucklandcouncil.govt.nz/privacy tae atu ki ō mātou whare pukapuka me ngā pokapū ratonga. Ka whakamārama i tā mātou whakamahi me te tiri i ō mōhiohio whaiaro e pā ana ki ō whakawhiti kōrero ki te kaunihera, ā, me pēhea hoki te whakauru ake me te whakatika i aua mōhiohio. Me tirotiro koe i tēnei kaupapahere i mua o te tuku i tēnei puka.