Tala Toetoe ote Palani ote tausaga 2026/2027

Konei koi fakataunu

Te Palani fakatautau ote tausaga 2026/2027 e fakapitoa ki te fakasokoga o te tolu tausaga o te Palani Lasi Saukatoa (LPT) 2024/2034. E fakamoemoe ke fakatumau te tulaga o taupulega lei o fakaogaga o tupe pela foki mo nisi kope kola ko oti ne fakamoe I loto ite Palani Lasi Saukatoa LPT, tela ka mafai ei o fakalei aka iei tulaga o galuega ote kaunisela tela e fakapitoa loa kite fakaogaga fakalei o tupe a tino e nofo iluga I Aukilani.

Fakataunuga o Tapula

Mo te 2026/207 ka fakataua ke fakagalue ke lei a tulaga o mea tau vai mo oloolo malaga, pena foki mo te fesoasoani ki takitaki o Komiti foliki o kogakoga ke mafai o agai atu tulaga o manakoga o lotou tino.

Tasi o tapula tenei ka fakataunu kote talaga ote City Rail Link (CRL), se atiakega lasi mote fakaleiga o tulaga o mea tau oloologa malaga o Aukilani mo mea fakateletele e fakaoga tasi ne tino, kae avaka foki tulaga o te maumea mo te ola lei o te enovilomene Aukilani.

Ka fakatupe se 3.9 piliona tala mo fai galuega fakatutu ki fale lasi mo polotieki mea tau olololo malaga iluga o Aukilani e aofia iei ko auala, mea tau olololo malaga o tino, kogakoga tafao mo tamaliki mo tino matua, mo nisi kope ke fakaoga fakatasi ne tino, fakapotopotoga/komuniti. Ka mafai foki o fakamaumau se 5.3 piliona tala mo alaga fesoasoani mo sevesi taaua mo nisi mea kola e fakaoga ne tino Aukilani.

Fakamafuliga ki lafoga

E fakatautau ke avaka lafoga ki se 7.9 pasene mo te 2026/2027 mo togi-masani o fale nofo o tino. Te masikiga tenei e pau mote mea ko oti ne toki ki loto ite Palani Lasi Saukatoa (LTP).

Te fanakeega o lafoga e pogai mai te 235 miliona tala te aofaki tupe ite tausaga mo te fakatelega pela foki te fakamauaga se kope totino o te CRL. E ui seki manakogina ke pena te fanaka ki luga o lafoga, ako te agaga maluga ke fakatiititi te fakaogaga o sene mote avaka ki luga tulaga ote fakateletelega o Aukilani mo ana Kaunisela kae fesoasoani ke fakafoliki te fanaka ki luga o lafoga.

Fakafoligaga o Aukilani o Fano Ki Mua

Te Kaunisela o Aukilani ka fai ne ikuga mo kausakiga mo aso ki mua ite sua tausaga, mo sautalaga e uiga mo avanoaga ke mafai o fakafoliga tulaga o Aukilani mote aso ataeao. Mai tafa ote palani tenei, ka akai atu ki tino katoa e nofo i Aukilani, me nea tapula e taua kae aoga atu kia latou, mo isi fakamoemoega kola e mafai o sui kiei a nisi tapula mo faite te palani.

Maua e manako foki ki ne faitioga mote aso taeao manuia mo kogaloto tonu o Aukilani. Me tenei te kogakoga e maua ei alaga tupe lasi, tela e maua mai ei te tasi-vae-lima o tupe kola e maua I Aukilani katoa. A ikuga kola e fai nei ka mafai o fakafoliga iei te mafai nete kogakoga ite kogaloto ote fakai o Aukilani o fakagalue a tino, fakatele a pisinisi, fakatumauga o iloga mote ola lei ki aso mai mua.

Matou e manako ko kogakoga kola e fakaoga fakatasi ne tino ke lasi te aoga mo tino, ke aoga atiakega ne fai mo mea tau oloologa malaga, ako te kaunisela foki ke saga tonu o fesoasoani kite kogaloto ote fakai ke teletele lei I tulaga o koga nofo ei a tino, galue iei, akoga iei io me asiasi mai kiei.

Auala ke fakaasi ei ou manatu

Mafai o fai sou manatu, koe ke:

asiasi ki te Annual Plan 2026/2027
telefoni kite 09 301 0101 io me
fano ki te Faletusi.

E fakamalosi atu ke faitau koe ki fakamatalaga mo fakamainaga ite pepa tela e fakaoga mo fai ei te sautalaga e uiga mo mataupu koi tuai koe o fai se ou manatu.

Fakaoko mai ou manatu mai mua ote taimi 11.59 afiafi i te Asotapu po 29 Maati 2026.

Te ikuga fakaoti ka fai ia Iuni 2026 ako te toe fakatauga tupe ka mafai o maua iluga Annual Plan 2026/2027.

Have your say now