Fakaikiiki ‘oe Palani Fakata’u 2026/2027
‘Oku mau hoko atu eni kiai
Ko ‘etau fokotu’utu’u kihe ‘etau Palani Fakata’u 2026/2027 ‘oku fakatautefito ia ‘i he hoko atu ki hono ta’u tolu ‘etau Palani Teemi Loloa (LTP) 2024-2034. Koe taumu’a, ke hokohoko atu pe ‘a hono fakalelei’i ‘ae tu’unga faka pa’anga moe matu’uaki fakaesino ‘o ‘Aokalani na’a mau tukupaa kiai ‘ihe ‘emau LTP, ‘ihe taimi tatau ‘oku lolotonga langa hake ha kosilio ‘oku maau mo toe lelei ange ‘o fakatautefito ‘ihe mahu’inga ‘oe pa’anga ma’ae kakai ‘o ‘Aokalani.
Kohono a’usia ‘etau ngaahi palani ‘oku fakamu’omu’a
Kihe 2026/2027 ‘oku ma’u fakamu’omu’a ‘ae inivesiment ‘ihe vai moe fefononga’aki, mo tokoni kihe poate fakalotofonua ke nau feau ‘ae ngaahi fiema’u ‘a honau ngaahi komiuniti.
Koe me’a mahu’inga lahi koe ‘amanaki ke fakava ‘ae City Rail Link (CRL). ‘E hoko eni ke liliu ‘ae fefononga‘aki fakapule’anga ‘a Aokalani pea tene ‘omai ‘ae ngaahi lelei faka’ekonomika pehee kihe ngaahi lelei kihe ‘atakai ki ‘Aokalani.
Te mau fakamoleki ‘ae $3.9 piliona ‘ihe ngaahi langa lalahi moe ngaahi poloseki fakalakalaka ‘i ‘Aokalani fakakatoa, hange koe hala, ngaahi fefononga’anga fakapule’anga, paaka moe ngaahi langa ‘ae komiuniti. Te mau fakapa’anga fe’unga moe $5.3 piliona kihe ngaahi sevesi mahu’inga ‘oku ngaue’aki he kakai ‘o ‘Aokalani he ‘aho kotoa.
Ngaahi liliu kihe totongi (rates)
‘Oku mau fokotu’u atu ke hiki fakakatoa ‘ae totongi fakata’u (rates) ’aki ee peseti ‘e 7.9 ‘ihe 2026/2027 kihe ngaahi nofo’anga ‘oku ‘avalisi hono mahu’inga. ‘Oku lahi tatau pe eni moe mahuinga ‘o ‘emau palani ‘ihe LTP.
Koe makatu’unga ‘oe hiki koe’uhi koe $235 miliona ‘oku fakamole fakata’u kihono fakalele mo hono ma’u ‘oe CRL. Neongo ‘ae mau’olunga ange ‘ae hiki fakakatoa ‘ae totongi (rates) ‘o lahi ia ‘ihe me’a ‘oku mau faka’amu kiai, ka ‘oku hoko ‘emau tokanga kihe fakahaofi e pa’anga moe fakalele lelei ‘ae Kosilio ‘oe vahe ‘Aokalani ‘oku tokoni ia mo kau lelei ki hono tokoni ke kei ta’ofi pe ‘i lalo ‘ae tupu ‘ae fakamole mei he me’a na’e mei a’u kiai.
Kohono fakafotunga ‘ae kaha’u teemi loloa ‘o ‘Aokalani
‘E fakahoko he’e Kosilio ‘a ‘Aokalani ha ngaahi tu’utu’uni teemi loloa ‘ihe ta’u kaha’u, pea koe ngaahi alea koeni koha faingamalie ia ke tokoni kihono fakafotunga ‘ae kaha’u ‘o Aokalani. ‘Ihe tafa’aki ‘o ‘emau palani fakata’u, ‘oku mau fakafehu’i kihe kakai o ‘Aokalani fekau’aki moe ngaahi me’a ‘oku nau fakamu’omu’a pea moe ngaahi me’a ‘e ala hoko kihe palani koia.
‘Oku mau fiema’u foki ho’o ngaahi fakamatala kihe kaha’u ‘oe loto kolo ‘o ‘Aokalani. Koe feitu’u koeni koe uho faka’ekonomika ia ‘oe vahefonua, pea ‘oku ne fakatupu ‘ae vahe nima ‘e taha ‘ae koloa fakakatoa ‘oe vahe ‘Aokalani. Koe
ngaahi tu’utu’uni koeni ‘e fakahoko tene fakafotunga ‘ae sai mo lelei ‘ae loto kolo hono tokoni’i ngaahi ngaue, ngaahi pisinisi, moe anga fakafonua moe anga e mo’ui faka’aho ‘ihe kaha’u.
‘Oku mau fiema’u ke ngaahi ‘ae feitu’u fakapule’anga ke toe lelei ange kihe kakai, pea ‘aonga ‘ae ngaahii invesimeni lalahi ‘ihe fefononga’aki pea fakapapau’i ‘oku tokoni ‘ae kosilio kihe tupulaki ‘oe loto kolo koha feitu’u ke nofo’i, ngaue, ako moe ‘evai kiai.
Ngaahi founga ke fakahoko ai ho le’o
Ke fakahoko mai ho lea, teke lava ‘o:
- ‘a’ahi kihe uepisaiti koeni Annual Plan 2026/2027
- telefoni kihe 09 301 0101, pe
- koho ‘alu kihe laipeli.
‘Oku mau poupou’i koe keke lau ‘e mau tohi ‘oku tuku atu ai ngaahi fakamatala (consultation document) kimu’a pea toki tuku mai ai ho’o fakamatala.
‘E lava ke tuku mai ho’o ngaahi fakakakau kimu’a ‘ihe 11.59pm oe po Sapate 29 Maasi 2026.
Koe tu’utu’uni aofangatuku ‘oku fakahoko ia ‘i Sune 2026 pea ‘e lava ke ma’u atu ai ‘ae patiseti faka’osi ‘ihe uepisaiti koeni Annual Plan 2026/2027.
Ngaahi fakamatala fakapepá
Fakaikiiki ‘oe Palani Fakata’u 2026/2027 [PDF 218KB]
Palani Fakata’u 2026/2027 [PDF 297KB]
