Te whakarāpopoto o te Tahua Pūtea ā-Tau 2026/2027

E mahia ana te mahi

Ko te Mahere ā-Tau 2026/2027 e marohitia ana e mātou, ka arotahi ki te whakatutuki haere i te tau tuatoru o tā mātou Mahere Pae Tawhiti (LTP) 2024-2034. E whai nei kia rere tonu ngā whakapakaritanga ake o te manawaroa ā-pūtea, ā-kiko hoki o Tāmaki Makaurau e ū nei mātou i roto i tā mātou LTP, i te wā tonu hoki o te whakapakari ake i te whāomotanga o te kaunihera e arotahi nei ki te whaihua o ngā moni ka whakapaua hei painga mō ngā tāngata o Tāmaki Makaurau.

Te whakatutuki i ā mātou take mātāmua

I ngā tau o te 2026/2027, e noho mātāmua ana ki a mātou te haumi ki te wai me te tūnuku, ki te āwhina hoki i ngā poari ā-rohe ki te whakatutuki i ngā matea o ō rātou hapori. Ko tētahi o ngā miramiratanga matua, ko te whakatuwheratanga o City Rail Link (CRL). Mā tēnei e huri ai te tūnuku tūmatanui o Tāmaki Makaurau, e puta ai hoki ētahi hua ā-ōhanga, ā-taiao hoki ki Tāmaki Makaurau.

Ka pau i a mātou te $3.9 piriona ki ngā kaupapa mahi nui e pā ana ki te whakatū hanga, ki te tūāhanga hoki puta noa i Tāmaki Makaurau, pēnei i ngā rori, i te tūnuku tūmatanui, i ngā papa rēhia me ngā rawa whaitake mō te hapori. Ka tukuna hoki te $5.3 piriona ki ngā ratonga waiwai me ngā ngohe ka whāia e ngā tāngata o Tāmaki Makaurau i ia rā.

Ngā panonitanga ki ngā reiti

E marohi ana mātou kia 7.9 ōrau te pikinga o te whānuitanga o ngā reiti i ngā tau 2026/2027, i ngā kāinga e tau waenga nei te uara. Koinei tonu taua nui i whakaritea ai i te LTP.

Ko te take matua i pēnei ai te whakapikinga, ko te $235 miriona o te nama ā-tau ka utua ki te whakahaere, ki te pupuri hoki i te CRL. Ahakoa kei tua atu te pikinga o te whānuitanga o ngā reiti i tērā e paingia ana e mātou, nā te arotahi ki te penapena pūtea me te whāomo o te whakahaerehia o te rōpū o Te Kaunihera o Tāmaki Makaurau i āwhina kia iti ake te pikinga i tērā kua puta pea i āhuatanga kē.

Te tārai i te anamata ā-pae tawhiti o Tāmaki Makaurau

He whakatau whai rautaki ā-pae tawhiti ka oti i a Te Kaunihera o Tāmaki Makaurau hei te tau e tū mai nei, ā, ko ngā matapaki e pā ana ki ēnei hei ara wātea kia tāraia te anamata o Tāmaki Makaurau. Nō reira, i te taha o te mahere ā-tau, kei te uiui mātou i ngā tāngata o Tāmaki Makaurau e pā ana ki ā rātou take mātāmua me ngā hokohokotanga ka hua pea e pā ana ki taua whakarite.

E hiahia ana hoki mātou ki ō whakahokinga kōrero mō te anamata o te pokapū tāone o Tāmaki Makaurau. Koinei hoki te manawa ōhanga o te rohe, e whakaputa ana i tētahi haurima o te tapeke o te huanga ōhanga o Tāmaki Makaurau. Ka noho ngā whakatau ka oti ināianei hei tārai i te āhua o te pai o tā te pokapū tāone tautoko i ngā mahi, i ngā pakihi, i te ahurea me te ao o ia rā ā haere ake nei.

E hiahia ana mātou kia pai ake ngā wāhi tūmatanui ki te tangata, kia nui ake hoki te uara i ngā haumitanga nui ki te tūnuku, kia noho anō hoki te tautoko a te kaunihera hei āwhina kia tōnui te wāhi hei kāinga, hei wāhi mahi, hei wāhi ako, hei wāhi torotoro hoki.

Ngā ara whakatakoto i ō kōrero

E takoto ai ō kōrero, ka āhei te:

E akiaki ana mātou kia pānui koe i tā mātou tuhinga whiriwhiri i mua i tō whakahoki kōrero mai.

E ahei ana tō whakahoki kōrero tae noa ki te 11.59pm o Hanarei te 29 o Maehe, 2026.

Ko ngā whakatau whakamutunga ka oti i a Hune 2026, ā, ka wātea mai te mahere pūtea ki Annual Plan 2026/2027.

Tukuna mai ō kōrero ināianei

Ngā Tuhinga

Te whakarāpopoto o te Tahua Pūtea ā-Tau 2026/2027 [PDF 216KB]