Aotelega o le Fuafuaga Fa’aletausaga 2026/2027

Faagasolo galuega o loo fuafuaina

O le Fuafuaga Fa’aletausaga 2026/2027 ua fa’ata’atia e fito’itonu i le tausaga lona tolu o le Fuafuaga Mamao (LTP) 2024-2034. O le fa’aauauina o le alualu i luma o le tamaoaiga ma aseta tetele a Aukilani, o loo fa’amautūina i le Fuafuaga Mamao (LTP) 2024-34, faapea ai ma le fausia o se Council e vaai toto’a i auaunaga talafeagai ma le tatau mo Aukilani.

Galuega Ausia

Mo le 2026/2027 ua ave lā matou fa’amuamua i tupe teufa’afaigaluega mo felaua’iga, suāvai, faapea le fesoasoani i pulega tau lōtoifale aua galuega manaomia mo tagata.

O se matati’a autu o le 2026/2027, o le tatala aloaia lea o le City Rail Link (CRL). O lenei poloketi o le a suia atoa ai feoaiga i Aukilani ma faafaigofie ai feoaiga, ma o le a maua ai foi ni faamanuiaga tau tamaoaiga ma le siosiomaga o Aukilani.

O le a matou fa’aaogāina le $3.9 piliona mo poloketi mo fale ma aseta tetele i Aukilani, e pei o auala, femalagaiga faitele, paka mo tafaoga ma nofoaga /fale mo tagata lautele. Matou te faatupe foi le $5.3 piliona o loo fa’aagaga mo auaunaga tāua ma vaega uma e faaaoga e tagata o Aukilani i aso uma.

Suiga o tau fuafuaina

Ua matou faataatia se fuafuaga mo se siitaga o tau fuafuaina e 7.9% i le Fuafuaga Faaletausaga 2026/2027 mo le aotelega o tau o fanua mafalealāla . O lenei siitaga e o gatasi ma fuafuaga ua uma ona pasia o le LTP.

E afua lenei siitaga ona o le tau atoa e $235miliona mo le faagaioiina ma le puleaina o le CRL. E ui o le siitaga ua sili atu nai le fuafuaga na i ai, ae o le lelei o le tatou vaai taula’i i le faasaoina o tupe ma le faagaoiina o le Fono a Aukilani (Auckland Council) ua fesoasoani lea i le faaitiitia o lenei siitaga mai le tulaga semanu e oo iai.

Fa’alelei’inao le lumanai-tuutuu-mamao o Aukilani

O le a faia ni faaiuga tāua mo le lumanai o Aukilani i le tausaga fou, ma o nei faaiuga e faatonutonu ai le lumanai manuia mo Aukilani. E faapea foi ona fesiligia tagata nuu o Aukilani i so latou finagalo i mea e tatau ona faamuamua ina ia fetuutuunai ai le faiga o nei fuafuaga.

Matou te manaomia foi lou manatu faaalia e uiga i le lumanai o le taulaga o Aukilani. O le fatu lea o le tamaoaiga o le itulagi , o loo afua ma fausia ai le tasi o vae lima(1/5) o le tamaoaiga o Aukilani atoa. O faaiuga e faia i le taimi nei, o le a atagia ai le lelei o le lagolago a le taulaga mo galuega, pisinisi, aganuu faapea le olaga i aso taitasi i le lumanai.

Matou te naunau e faaleleia nofoaga fai tele mo tagata, faasili le tupe maua mai tupe faafaigaluega i tulaga tau felauaiga ma mautinoa o loo fesoasoani le Auckland Council e toe fafagu ma faatupulaia le iai o tagata e nonofo, aoaoina ma asiasi atu i le taulaga o Aukilani.

Auala e fa’aali ai lou manatu

A fa’aali lou manatu, e mafai ona e:

E tāua lou faitau i le pepa o faatalanoaga ao lei tuuina mai sou manatu fa’aalia .

E mafai ona tuuina mai sou manatu fa’aalia se ia ta tonu le 11.59pm i le aso Sa 29 March 2026.

O le a faia le faaiuga mulimuli ia Iuni 2026 ma o le a faailoa ai le paketi mulimuli i le itulau upega tafa’ilagi o le, Annual Plan 2026/2027.

Faali lou finagalo i le taimi nei

Pepa

Aotelega o le Fuafuaga Fa’aletausaga 2026/2027 [PDF 180KB]