Hokotaki Lagataha he Tau 2026/2027
Ko e fakaholo e fekau
Ko e Hokotaki Lagataha he Tau ne kua fakafitā ki ai, kua onoono ni ke fakagahua e tau ke tolu aki he Fakaholoaga Pauaki 2024 - 2034. Ko e lali fakalahi ke matutaki e fakatolomakiaga he tuaga mauokafua he faahi tanaki tupe mo e tau koloa talaga ne kua fifili mo e falanaki ki ai ke he Fakaholoaga Pauaki. Ka e tumau ke atihake e tau fakaholoaga mafola he Council ke fakafaikakano e fakaaogaaga he tau tupe ma e tau tagata Okalana.
Fakagahua mo e moua oti e tau fakaholoaga
Ke lata mo e tau tau 2026/2027, kua fakatuuho e tau fakatupeaga ma e vai mo e tau puhala o fenoga mo e lagomatai e tau matakau Takitaki Maaga ke fakatonutonu e tau manako he tau maaga.
Ko e taha manako tu tokoluga ko e amaamanakiaga ke hafagi e City Rail Link. Ko e koloa nai ke fakafaliu e tau puhala o fenoga ha Okalana mo e helehele ai foki e tau monuina fakatupe mo e takatakaimotu.
To fakamole $3.9 e tau piliona ma e talagaaga he tau koloa kehekehe ma Okalana katoa. Tuga e tau puhala tu, tau koloa fakaaoga ke he tau puhala o fenoga, tau peleōafi heke he tau tagata, tau malē tolo ke okioki, mo e tau koloa ke fakaaoga he tau tagata. To fakatupe foki e mautolu $5.3 e tau piliona ma e tau faahi gahua mahani mau ma e tau koloa ne fa fakaaoga he tau tagata Okalana he tau aho takitaha.
Tau hikiaga ke he Tau Totogi he Tau Koloa Fakaaoga
Amaamanaki a mautolu ke pulega atu ke maune hake ke he 7.9 e tau pasene he 2026/2027 he totogi average -value he tau kaina nonofo. Ko e numela nai tatai ni mo e tau numela ne amanaki ki ai ke he Fakaholoaga Pauaki.
Ko e malikiti nai kua lagākina mai ni he tau fakamoleaga $235 he tau miliona ke totogi mo e fakagahua aki e CRL. Ti pete ni kua tokoluga atu e malikiti nai, ka e nakai manako ke pihia. Ko e onoonoaga ha mautolu ke tanaki e tau tupe mo e fakaholo mafola e tau gahua he Auckland Council kua lagomatai ke tokolalo e malikiti ia.
Fakafoliga e Onoonoaga Anoiha ha Okalana
To haitai he Tufono Maaga ha Okalana -Auckland Council e tau pulega mahuiga ma e hololoa he tau gahua he tau kahau mo e tau fakatutalaaga he tau mena nai to moua falu fakamooliaga he fakafoliaga nai a anoiha ma Okalana. Ti fakatauō mo e hokotaki lagataha he tau, hanai kua ole atu ki a mutolu oti, ke fakakite e tau manako fakatumau mo e falu he tau mena ke fehikihiki aki.
Manako foki a mautolu ke moua ha mutolu a tau manatu hagaao ke he tuaga he taone ha Okalana. Ko e atefua he tau puhala ukumonuina he maaga, lahi he talaga mai he lima e tau monuina moua mai. Ko e tau fifiliaga nai ke fakafoliga mafola e taone ke talaga e tau gahua, tau pisinisi, aga maaga mo e moui ma e tau aho takitaha ma e anoiha.
Manako a mautolu ke fakaaoga mitaki e tau matakavi ma e tau tagata tokologa, moua loga e huhua mai he tau fakatupeaga he tau puhala ō fenoga mo e fakamakamaka ke he Coucil ke lagomatai e taone. Ko e kaina ke noonofo ai, gahua, akomnea mo e ahiahi atu.
Tau puhala ke fakakite haau a tau manatu
Ke fakakite haau a tau manatu, maeke a koe ke:
- Kumi atu e kupega hila akhaveyoursay.nz/ourplan
- Vilo atu e numela telefoni 09 301 0101 po ke,
- finatu ke he fale ne pota e tau tohi totou
Fakamafana atu a mautolu kia koe ke totou mua e tohi consultation to fakakite haau a tau manatu.
Maeke a koe ke fakakite e haau a tau manatu ato hoko e 1 e minute ke ta e matahola 12 he tuloto pō he Aho Tapu 29 ia Masi 2026.
Ko e tau manatu taliaaga mo e fakamooliaga to fakakite ai he mahina ha Iuni 2026 mo e tohi fatifatiaga tupe to maeke ke iloa mo e kitia ai he kupega hila ha Annual Plan 2026/2027.
