Aotelega o le Fuafuaga Mamao 2024-2034

Faaleleia atili o feutaga’iga e faafetaia’ia ai lu’itau o a tatou tupe faasoa

O le sini o la matou Fuafuaga Alu Mamao o le faamalosia lea o feutaga’iga faaletino ma faaletupe a Aukilani e fetaia’ia ai nisi o lu’itau tetele o tupe faasoa.

O la matou fuafuaga o loo faapaleni ina ia:

• saunia ni galuega faatino ma auaunaga autū e talafeagai ma mea ua tatou maua
• tele le tupe faaalu i vaega e sili ona mana’omia ai.

E aofia ai le $39.3 piliona o tupe teu faafaigaluega ma le $71.9 piliona o le tau aofa’i atoa o tupe faaalu i galuega i le silia i le 10 tausaga, e aofia ai le siitia o le tulaga o Aukilani e ala i le faaalu o le $14.7 piliona i aseta mo femalagaa’iga i le isi 10 tausaga o i luma. O lea faiga o le a sili atu ai ona vave, faigofie ma faatuatuaina femalagaa’iga mo tagata lautele. E aofia ai fo’i le faamalosia o feutaga’iga a Aukilani pe a alia’e mai ni lologa i le lumana’i.

O la matou fuafuaga – lea e matou te faasino iai o le ‘fuafuaga autū’ e faatusatusa iai lau filifiliga e ‘itiiti’ pe ‘tele’ atu – o le siitaga o le tau aofa’i atoa e totogi (rates) mo le tele o fale ma fanua e nofoia e tagata e:

• 7.5 pasene i le tausaga muamua
• 3.5 pasene i le tausaga lona lua
• 8 pasene i le tausaga lona tolu
• lē silia i le 3.5 pasene le siitaga i tausaga ta’itasi mulimuli ane ai.

E aofia i suiga nei nisi o tupe totogi sa tulimata’ia (targeted rates), ua faalēaogāina ai foi le fuafuaga sa faia muamua e faaitiitia le tupe totogi e i latou e umia fale mo pisinisi.

E iai fo’i filifiliga ma fesuia’iga i auala e faatupe ai a tatou galuega faatino ma auaunaga ua faatulagaina, e pei o le faatūina o se Tupe Faaagaga a Aukilani mo le Lumana’i. O lenei tupe o le a faaitiitia ai lo tatou soona faalagolago i tupe maua (rates) e faatupe ai a tatou galuega. E aofia ai le fuafuaga o le aumai o sea a le Pulega a Aukilani o loo totoe i le

Malaevaalele Faavaomalo a Aukilani i totonu o le Tupe Faaagaga, ina ia mafai ai e lē o vaaia tupe faaalu ona filifili ma le tatau pe faatau ese atu se vaega o sea po o sea uma lava. O le sini o tupe faaagaga e aofia ai le faasafua atu o nei tupe i vaega eseese e faafaigaluega ai, ina ia iai ni suiga, ma e foliga mai ai, o le tele po o sea uma lava o loo totoe a le AIAL (Malaevaalele) o le a faatau ese uma lava a o faagasolo atu i le lumanai

Ua matou fuafuaina fo’i e lisi atu le faagaoioiga o le Uafu a Aukilani ma faaaogā tupe maua mai i lenei lisi e fesoasoani e amata ai le tupe faaagaga, ae tumau pea i le Pulega le puleaina o uafu ma eleele e iai uafu.

Filifiliga ma fefaataua’iga

Peita’i, e iai ni isi fuafuaga e mafai ona fa’atinoina. . E mafai ona tatou faia ni isi tulaga e sili atu pe itiiti ifo nai lo’o vaega o lo’o ta’ua i la matou fuafuaga.

O le itiiti o mea e fai o le itiiti fo’i lea o le tupe e alu ai, ae e mo se taimi puupuu. O lenei filifiliga o le a mana’omia ai ona taofia pe faaitiitia nisi o galuega faatino ma auaunaga, ma o le a tuai fo’i ona fai ni faaleleiga. E ono aofia ai le matuā faaitiitia o auaunaga i pasi, leai ni tupe efaatupe ai polokalame autū (events), leai ni tupe a le pulega e fai ai se polokalame i auala e fesaga’ia ai lologa, fa’aitiitia tupe o atina’e mo tagata o le vaipanoa, polokalame ma galuega i le vaipanoa, foa’i mo le itulagi, galuega faatufugaga mo le lautele, galuega faaleleia mo ala vai o afā, puleaina o lamatiaga, mata’itūina o le saogalemu o meaola ma le si’osi’omaga ma le puleaina o manu faalafuā. O le a mana’omia ai sina siitaga o tupe totogi (rates), mo se taimi puupuu ma i’u ai ina maualalo le fua faatatau o tupe aitalafu.

O le tulaga masani, o le faia o mea e sili atu e pei o le faatelevave o tupe faafaigaluega i auaunaga tau femalagaa’iga ma le fesaga’ia o suiga o le tau, o le a tele tupe e alu ai mo se taimi puupuu. E ono aofia ai polokalame mo le vave toe faafouina o mea i nuu i tua ma le taulaga, vave faamatu’u tupe mo pulega uma o auaunaga i le vaipanoa e aunoa ma le faaitiitia o tupe faaalu mo se pulega, leai se sini o le aofa’i o aseta e faatau atu, tupe faaalu mo polokalame fou e fesoota’i i le tau, ma le toe faafo’isia o le faatupeina o polokalame autū sa iai a o le’i tupu le KOVITI-19, faatasi ai ma le faagaoioia o taula’iga i se auala e sili ona lelei. O lea e ono mana’omia ai ona siitia i se tulaga maualuga le aofa’i o tupe totogi (rates) ma aitalafu mo se taimi puupuu, e aofia ai le siitia o tupe totogi (rates) i le 14 pasene mo tagata totogi fua faatatau o fale e nonofo ai i le tausaga muamua.

E tele se iloiloga ma ni faai’uga tetele e mana’omia ona fai – o lea e matou te mana’omia ai le faaleo mai o ni o outou manatu e fesoasoani i le faia o a matou faai’uga. E matou te talosagaina ai ia faitau atili e uiga i la matou fuafuaga ma filifiliga o loo maua i la matou tusitusiga mo faatalanoaga, a o le’i faailoa mai sou manatu.

Auala e faaleo mai ai sou manatu

E mafai ona faaalia sou finagalo e uiga i nei mataupu po o se isi vaega e tāua iā te oe e faatatau i la matou fuafuaga, e mafai ona e:

• taga’i i le akhaveyoursay.nz/ourplan
• telefoni i le 09 301 0101 pe
• asiasi i le ofisa autū tau auaunaga i lou vaipanoa po o le faletusi.

E tatau ona māe’a faaoo mai manatu faaalia i le Aso 28 o Mati.

O le a faia faai’uga faai’u iā Iuni 2024 ma o le a maua le aofa’i o tupe faaalu i le

aucklandcouncil.govt.nz

Pepa

Aotelega o le Fuafuaga Mamao 2024-2034 [PDF 171KB]