Aotelega o le Fuafuaga Fa’aletausaga 2025/2026
O lo’o matou aga’i atu iai
O le fa’ata’atiaga o lenei Fuafuaga Fa’aletausaga 2025/2026 e fito’itonu i le aga’i atu i le tausaga lona lua o le Fuafuaga Mamao 2024-2034. Ia fa’aauauina le alualu i luma o tulaga tau tupe ma le ola fetu’una’i ua fa’amautūina i le Fuafuaga Mamao (LTP), ma fausia se Fono Faufautua sili atu le lelei e fito’itonu i le tāua o tupe mo tagata Aukilani.
I le 2025/2026 o lo’o aofia ai le fa’amuamuaina o tupe teufa’afaigaluega mo felaua’iga, le suāvai, ma le fa’afaigofieina o le fesoasoani atu o pulega tūtotonu i tagatanu’u o lo’o manaomia le fesoasoani.
O lenei fuafuaga fa’ata’atia fa’aletausaga e fa’atinoina i se auala e fa’aauauina ai le mata’itūina o atugaluga i le tau o le soifuaga ma fesoasoani atu i tagatanu’u o lo’o manaomia le fesoasoani.
Lafoga mo mālō asiasi mai ma tōfāfā
I le Fuafuaga Mamao 2024-2034, ua iai le manatu o le a matou fa’aauauina pea le fa’atupeina o tu’ufa’atasiga fa’aleagānu’u ese’ese e pei o le Diwali, ae o le a leai ni lafoga mo mālō asiasi mai ma tōfāfā, e $7 miliona le pāketi o le’ā lē maua mo le fa’atupeina o nei fa’amoemoega tetele e pei o le ASB Classic, Auckland Marathon ma le Auckland Writers Festival.
O le lafoga mo mālō asiasi mai ma tōfāfā e mana’omia ai tulāfono mai le mālō tūtotonu. A o matou feūtaga’i i lenei fuafuaga fa’aletausaga, o lo’o fa’aauauina pea le galulue fa’atasi ma le mālō tūtotonu i lenei tulaga. E le’i fa’ailoa maia lava so latou fa’ai’uga, po’o se fa’amautinoaga o le a tupu lenei mea. A o fa’aauau la matou una’ia o lenei tulaga, matou te talia so outou finagalo i le ‘aumaiina o se lafoga mo mālō asiasi mai ma tōfāfā e totogi e mālō o lo’o nonofo mo se taimi pu’upu’u i faletalimālō e fa’atupeina ai fa’amoemoega tetele ma le puleaina o taunu’uga ma le gaioiina o le maketi.
Fa’atinoina o matou fa’aaliga fuafua mamao
O lo’o matou fausiaina se Aukilani matagofie, olaola Lelei ma saogalemū mo tagata uma o Aukilani.
O ā matou fuafuaga fa’ata’atia fa’aletausaga ua lagolagoina lenei fa’aaliga fuafua mamao e ala i:
- fa’atinoina o polokalame tāua e fitu o tupe teufa’afaigaluega: Felaūa’iga, Suāvai, Si’osi’omaga Fausia, Si’osi’omaga Fa’alenātura, Tagatanu’u, Atina’e tau Tamao’āiga ma aganu’u, ma le Pūlea lelei o mālō tūtotonu
- fa’aaogāina o le $4 piliona o tupe fa’aalu mo le tausaga fa’aletupe 2025/2026; tupe teufa’afaigaluega mo aseta pei o auala, paipa ma felaūa’iga lautele e tu’uina atu ai isi ‘au’aunaga mo tagata Aukilani ma fa’atu ai ni fetu’una’iga mautū fa’aitūlagi
- fa’aaogāina lelei o tupe fa’atatau mo pulega tūtotonu. E fa’afaigofieina ai le fesoasoani atu o pulega tūtotonu i tagatanu’u o lo’o manaomia le feaoasoani. O lenei fuafuaga fa’aletausaga e amata talanoaina ai tupe fa’atatau e lēpaleni i le vā o pulega tūtotonu e 21 sa iai talu ona fa’avaeina le Fono Faufautua o Aukilani i le 2010
- fa’atūlagaina se si’itiaga o tupe totogi i le 5.80 pasene mo le tau o fanua tūmau mo le 2025/2026, po’o le $223 i le tausaga ($4.29 i le vaiaso). E tutusa lea ma le fa’amatalaga sa folasia i le Fuafuaga Mamao (LTP).
Matou te fautua atu e faitau pea i le matou pepa o feūtaga’iga a’o le’i tu’uina mai sou finagalo fa’aalia. Fa’amolemole fa’asoa mai sou finagalo fa’aalia e uiga i lenei fuafuaga fa’ata’atia fa’aletausaga i luga o lenei feūtaga’iga.
Auala e fa’aali ai ou manatu
Mo le fa’aaliaina o ou manatu i matā’upu nei po’o seisi mea fa’atatau i le pāketi e tāua ia te oe, e mafai ona e:
- asiasi i le akhaveyoursay.nz/ourplan
- telefoni 09 301 0101 pe
- asiasi i lou ‘au’aunaga tūtotonu po’o le faletusi.
E tatau ona tau’a’aoina mai ou manatu fa’aalia a’o le’i o’o i le Aso Faraile 28 o Mati.
O le’ā faia le fa’ai’uga mulimuli ia Iuni 2025 ma o le pāketi mulimuli o le’ā mauaina lea i luga o le Annual Plan 2025/2026 (annual budget).
